Jean, ki ena 33 an ek abit dan rezion Curepipe, finn rakont nou so mezavantir ki li finn pase yer, Zedi le 5 Zanvie. Li enn marsan sandalet ek li fer port-a-port diferan rezion dan pey pou vann so prodwi.
Yer li ti pe travay dan rezion Flacq. Jean dir nou ki sa fer deziem fwa li rant dan enn simin pou vann so bann sandalet. Ti ariv pre 2hr apre-midi kan li finn apros enn personn so lakaz ek finn tap so laport. Sa ler lamem, li finn santi enn febles ek kan dimounn-la inn ouver la-port li dir: “Madam, mo enn marsan sandalet. Eski ou interese pran sandalet? Ena pou ti zanfan ek gran personn osi.”
Madam-la inn guet li anba ziska lao ek li dir li ale depi la kareman. Jean pa finn kas latet ek linn dimann li enn ver dilo akoz li ti pe santi li feb. Nou kolokater dir nou ki soley ti for yer. Jean rakont nou ki madam-la inn reponn li avek enn ton ot: “Pena dilo isi. Dilo pa pe koule. Ale depi la.”
Jean inn ofanse ek inn bizin mars prer 200m pou trouv enn la-boutik. Linn asete enn boutey dilo ek inn bizin asiz pre 15 minit pou li santi li korek. Li finn apros nou pou fer par la popilasion ki kan enn dimounn dimann dilo, kifer bizin guet anba lao?
Li finn rest bet sa zour-la. Li dir malgre li enn ti zafer me sa ler la o-mwin madam-la ti kapav fer enn zefor donn li enn ver dilo par akt imaniter. Enn ti zafer ki ti kapav vinn gran si li ti gengn febles ek tonbe. Me sans Jean inn pran kuraz ek linn pans so madam ek so enn ti zanfan pou al ziska laboutik.
Pa refiz dilo a ou prosin lepep. Pass sa ti mesaz-la.
#Newsfeed #ExplikOuKa
Viral News 